SUT.UZ kompaniyasi xodimlaridan iborat guruhlar 10-iyul kuni Rossiya Federatsiyasi Qozon shahriga maxsus texnikalar va ishlab chiqarish qurilmalari ko‘rgazmasiga jo‘nab ketishdi.
Ular ko‘rgazmada rivojlangan davlatlarda ishlab chiqarilgan qishloq xo‘jaligi texnikalari va jihozlari bilan tanishdilar.
  • Shu bilan birga, Tatariston Respublikasi Davlat texnik nazorat boshqarmasi tomonidan hamkorlikda tashkil etilgan sutchilik sohasini rivojlantirish va qoramol yetishtirishga yo‘naltirilgan ko‘rgazmada ham ishtirok etdilar.
  • Ko‘rgazmaga taklif etilgan ishlab chiqaruvchi hamda ilmiy tadqiqot tashkilotlari tomonidan keltirilgan texnik vositalar, ozuqa xomashyo­lari, tayyor va yarim tayyor mahsulotlar Qozon shahridagi ko‘rgazmalar majmuasining 12 000 m² maydoniga joylashtirilgan.
  • Uch kun davom etgan ko‘rgazmadan so‘ng tashrif guruhimiz Vologda viloyatiga — Vologda davlat sut xo‘jaligi akademiyasi va uning qoshidagi sutni qayta ishlash bo‘yicha o‘quv-ishlab chiqarish zavodini ko‘zdan kechirish uchun yo‘l oldilar.
Vologda viloyatiga yetib kelgan tashrif guruhimizni VDSXAning xalqaro hamkorlik markazi boshlig‘i Plyasovskaya Mariya Dmitrievna kutib oldi. Temir yo‘l vokzalidan VDSXA tinglovchilari yotoqxonasigacha kuzatish jarayonida Mariya Dmitrievna Vologda shahri markazi va VDSXA joylashgan Sutchilar qishlog‘i haqida batafsil so‘zlab berdi.

2025-yil 15-iyul kuni tashrif guruhi tanishuvni VDSXAning “Sut va sut mahsulotlari” kafedrasi mudirasi Burmagina Tatyana Yuryevna boshchiligida akademiyaning asosiy bilim manbai bo‘lgan “Sut va sut mahsulotlarini ishlab chiqarish”ga ixtisoslashgan o‘quv-amaliyot markazidan boshladi. Guruh a’zolari ushbu markazdagi amaliyotdan uzilmagan holda nazariy bilimlar bilan uyg‘unlashtirilgan, zamonaviy uskunalar bilan jihozlangan o‘quv sinflarini ko‘zdan kechirishdi.

Akademiyada o‘qitilayotgan nazariy fanlarga mo‘ljallangan sinflarni ko‘zdan kechirish davomida tashrif guruhi sutni qayta ishlashga oid uskuna va qurilmalarning kesim holatidagi namunalari bilan yaqindan tanishdi va nazariya bilan amaliyot uyg‘unligiga amin bo‘lishdi. Tashrif so‘nggida kafedra mudirasi Tatyana Yuryevna guruhni ta’lim yo‘nalishiga oid hujjatlar, o‘quv rejalar va mavzu rejalari bilan tanishtirib o‘tdi.
Vologda Davlat Sut Xo‘jaligi Akademiyasi faoliyati va tarixi bilan tanishtirgan xalqaro hamkorlik markazi boshlig‘i Mariya Dmitrievna tashrif guruhini kelgusida hamkorlik ishlarini yo‘lga qo‘yish maqsadida VDSXA rektori Malkov Nikolay Guryevich bilan uchrashuvga olib bordi. Samimiy ruhda o‘tgan uchrashuv yakunida esdalik
sovg‘alari almashildi.
Oliy ta’lim muassasasi xodimlarining ko‘p yillik mehnatlari samarasi o‘laroq, oliy o‘quv yurtiga “Akademiya” maqomi berilganini faxr bilan so‘zlab bergan Akademiya rektori Nikolay Guryevich tashrif guruhini yakuniy hamkorlik shartnomasini imzolash
marosimiga taklif etdi.

Iliq muhitda o‘tgan uchrashuv va kelgusi hamkorlikka bo‘lgan ishonch uchun SUT.UZ kompaniyasi tashrif guruhi mezbonlarga chuqur minnatdorchilik bildirib,

uchrashuv yakuniga yetdi.

Вологодская Государственная
Молочнохозяйственная Академия
совместно с SUT.UZ
Об Академии

Жизнь в ВГМХА

Обучение
Почему мы?

Сотрудники

Адрес
Кoнтакты

+998 99 9243300

info@sut.uz

Made on
Tilda